Православная гимназия города Калинин­­града

УТРЕННЕЕ МОЛИТВЕННОЕ ПРАВИЛО для обучающихся и педагогов гимназии


Если священник, то /возглас/: Благословен Бог наш всегда, ныне и присно, и во веки веков.
Если учиненный чтец, то /возглас/: Во Имя Отца и Сына и Святаго Духа.
Хор: Аминь.
Чтец /возглас/: Слава Тебе, Боже наш, слава Тебе:
Хор: Царю Небесный, / Утешителю, Душе истины,/ Иже везде сый / и вся исполняяй, / Сокровище благих, / и жизни Подателю, / прииди и вселися в ны, / и очисти ны от всякия скверны, // и спаси, Блаже, души наша.
Чтец или соборно (хором) /трисвятое/:
Святый Боже, Святый Крепкий, Святый Безсмертный, помилуй нас. 
Святый Боже, Святый Крепкий, Святый Безсмертный, помилуй нас.
Святый Боже, Святый Крепкий, Святый Безсмертный, помилуй нас.
Слава Отцу и Сыну и Святому Духу, и ныне и присно и во веки веков, аминь.
Пресвятая Троице, помилуй нас,
Господи, очисти грехи наша,
Владыко, прости беззакония наша,
Святый, посети и исцели немощи наша, Имене Твоего ради.
Господи, помилуй, Господи, помилуй, Господи, помилуй.
Слава Отцу и Сыну и Святому Духу, и ныне, и присно и во веки веков. Аминь.
Хор: Отче наш, Иже еси на Небесех,
да святится Имя Твое, да приидет Царствие Твое,
да будет воля Твоя, яко на Небеси, и на земли,
Хлеб наш насущный даждь нам днесь.
И  остави  нам  долги  наша,  
якоже  и  мы оставляем должником нашим,
и не введи нас во искушение,
но избави нас от лукаваго.
Хор /тропарь, глас 4/:
Богородице Дево, радуйся, / Благодатная Марие, Господь с Тобою, / благословенна Ты в женах, / и благословен Плод чрева Твоего, // яко Спаса родила еси душ наших.
Хор /тропарь, глас 7/:
Преобразился еси на горе, Христе Боже, / показавый учеником Твоим Славу Твою,   /   якоже можаху; /
да воссияет и нам грешным / Свет Твой присносущный, / молитвами Богородицы, // Светодавче, слава Тебе.
Запевы:
Священник  или чтец возглашает каждый запев,
хор вторит священнику или чтецу каждый запев:
- Слава Тебе, Боже наш, слава Тебе!
- Пресвятая Богородице, спаси нас!
- Святии равноапостольные Кирилле и Мефодие, молите Бога о нас!
- Святая мученице Серафимо дево, моли Бога о нас!
- Святая мученице Татиано,  моли Бога о нас!
- Преподобне отче Сергие, моли Бога о нас!
Священник (учиненный чтец): - Слава Отцу и Сыну и Святому Духу:    
Хор: - и ныне и присно, и во веки веков, аминь
Хор: ВЕРУЮ:
1. Во единаго Бога Отца, Вседержителя,
Творца небу и земли, видимым же всем и невидимым.
2. И во единаго Господа Иисуса Христа, Сына Божия,
Единороднаго, Иже от Отца рожденнаго прежде всех век;
Света от Света, Бога истинна от Бога истинна, рожденна, несотворенна, единосущна Отцу, Имже вся быша.
3. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася.
4. Распятаго же за ны при Понтийстем Пилате, и страдавша, и погребенна.
5. И воскресшаго в третий день по Писанием.
6. И возшедшаго на небеса, и седяща одесную Отца.
7. И паки грядущаго со славою судити живым и мертвым, Егоже Царствию не будет конца.
8. И в Духа Святаго, Господа, Животворящаго, Иже от Отца исходящаго,
Иже со Отцем и Сыном спокланяема и сславима, глаголавшаго пророки.
9. Во едину Святую, Соборную и Апостольскую Церковь.
10. ИСПОВЕДУЮ едино крещение во оставление грехов.
11. ЧАЮ воскресения мертвых,   
12. и жизни будущаго века. Аминь.
Чтец: Господу помолимся! Хор: Господи, помилуй.
Священник, или чтец, или соборно (хором)    /молитва перед учением/:
Преблагий Господи, ниспосли нам благодать Духа Твоего Святаго, дарствующаго смысл и укрепляющаго душевныя наши силы, дабы, внимая преподаваемому нам учению, возросли мы Тебе, нашему Создателю, во славу, родителям же нашим на утешение, Церкви и Отечеству на пользу.            
Хор: Аминь.
Если отсутствует священник:
Хор: Достойно есть яко воистину / блажити Тя, Богородицу, / Присноблаженную и Пренепорочную, / и Матерь Бога нашего. / Честнейшую Херувим / и Славнейшую без сравнения Серафим, / без истления Бога Слова рождшую, // сущую Богородицу Тя величаем.
Хор: Слава Отцу и Сыну и Святому Духу, и ныне и присно и во веки веков, аминь.
Господи, помилуй, Господи, помилуй, Господи, помилуй. Благослови.
Молитвами святых отец наших, Господи Иисусе Христе Боже наш, помилуй нас. Аминь.
Если священник присутствует:
Священник /возглас/: Премудрость! Пресвятая Богородице, спаси нас!
Хор: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Священник /возглас/: Слава Тебе, Христе Боже, Упование наше, слава Тебе!
Хор: Слава Отцу и Сыну и Святому Духу, и ныне и присно и во веки веков, аминь.    
  Господи, помилуй, Господи, помилуй, Господи, помилуй.
  Благослови.
Священник произносит отпуст.